Arredor do RuralNo III Encontro de Axentes Socioeducativos da Comunidade de Accións e Saberes Arredor do Rural puidemos reunir a diferentes colectivos sociais que traballan pola sustentabilidade atendendo ó medio rural.
A asociación Sachos á Rúa veunos falar do seu traballo na agroecoloxía e o consumo responsable, así como as diferentes formacións que levan a cabo, Somosterra estivo para falarnos das súas propostas no marco do impulso da transición socioecolóxica, ó tempo que Outonía nos compartiu os seus diferentes proxectos tamén relacionados coa sustentabilidade rural.
Mulime, pola súa parte, veu mostrar o traballo de investigación para as comunidades de montes, repositorio e recurso tan importante para a historia do común, e A Sabia, estivo a mostrar as potencialidades da moeda social para a construción dunha economía alternativa.
Non ten desperdicio buscar e seguir, e pensar en como colaborar con estes proxectos e colectivos que tanto teñen que ofrecer.
