Resultados gráficos das conversas Arredor do Rural

As imaxes que aquí compartimos son esquemas de como as diferentes inquedanzas, preocupacións e propostas das persoas participantes na Comunidade de Accións e Saberes Arredor do Rural se relacionan entre sí.

No primeiro caso, relaciónanse as expectativas postas sobre Arredor do Rural coas metas dos colectivos participantes nas conversas.

Na que sigue engádense os elementos que se propoñen para construir un modelo de sustentabilidade.

Nesta seguinte póñense en relación os valores expresados polos colectivos con esas expectativas e, ao tempo, coas contradicións ou incoherencias que xurden no devir das accións.

Nesta última, as críticas e problemáticas detectadas preséntanse en relación cos ámbitos de acción desenvoltos.