Arredor do Rural

Comunidade de Accións e Saberes

Divulgación de saberes

A bacía do Sar en Santiago de Compostela. Unha experiencia de Aprendizaxe Servizo cara a Custodia da Paisaxe

O proxecto tiña un dobre obxectivo, sendo o primeiro dar resposta a unha parte das necesidades expresadas pola Plataforma de Recuperación do Sar en relación co patrimonio inmaterial e ambiental deste territorio. O segundo obxectivo era de natureza académica e buscaba o desenvolvemento por parte dos estudantes das competencias técnicas específicas requiridas na correspondente materia do Grao*, grazas ó traballo aplicado realizado en grupos.

Plans de Comunicación Estratéxicos

Nunha iniciativa coordinada pola profesora e decana da Facultade de Comunicación, Emma Torres, máis dun centenar de estudantes da materia Estratexias de comunicación publicitaria traballaron ao longo deste cuadrimestre cunha serie de entidades que, como explica, teñen en común o desenvolvemento de “iniciativas de carácter social”, pero que centran a súa acción en ámbitos “moi diversos”, desde a protección do territorio e o desenvolvemento sostible, ata iniciativas de comercio xusto ou culturais.

Oficios para Sempre

O alumnado da materia historia ambiental (no Mestrado en Dirección de Actividades Educativas na Natureza), xunto ca asociación As Espigadoras e ca axuda da profesora An a Cabana Iglesia, desenvolveron unha investigación sobre os oficicios tradicionais, relacionándoos co manexo do territorio e o seu valor comunitario, para dar con esta obra documental que podedes ver na canle de youtube da asociación: vídeo

 

 

OEMR-Sachos á escola

No marco da materia de Educación en Contextos Rurais, parte do alumnado colaborou con Sachos á Rúa visitando as súas diferentes actividades, entre elas a colaboración co CEIP de Artes, e a través desta colaboración elaborou este proxecto de traballo educativo a través da horta e o mercado.

Subscribe to Divulgación de saberes