Comunidade de Accións e Saberes
No marco do proxecto de Aprendizaxe-Servizo, Accións Multidisciplinares Arredor do Rural, un dos proxectos levados a cabo implicou un estudo do caso do CDR Ancares de Cervantes e as súas posibilidades de desenvolvemento endóxeno.
No marco da materia de Educación en Contextos Rurais, parte do alumnado colaborou con Sachos á Rúa visitando as súas diferentes actividades, entre elas a colaboración co CEIP de Artes, e a través desta colaboración elaborou este proxecto de traballo educativo a través da horta e o mercado.
No marco da materia de Educación en Contextos Rurais, parte do alumnado colaborou coa asociación As Espigadoras e elaborou este proxecto de transformación do patio educativo baseado no coñecemento tradicional da cestería.
No marco da materia Educación en Contextos Rurais, da USC, o alumnado elaborou unha proposta educativa fundamentada no traballo da cooperativa O Tempo da Aldea, que ten coma fin o aproveitamento de recursos propios da aldea de Rebordechán.
Este é un traballo feito con perspectiva de fondos de coñecemento que agardamos sexa de utilidade.
A Comunidade de Montes de Leiro (Rianxo) está a desenvolver un proxecto de apredizaxe-servizo en colaboración con dous ámbitos formativos na Universidade de Santiago de Compostela: estudo da cultura e ecoloxía da paisaxe, a cargo dos membros de Rede Galabra, J. Elías Feijoo Torres e Emilio Carral Vilariño.
Neste proxecto interdisciplinar vincúlase o levantamento de microtoponimia e lendas sobre o territorio cos usos desenvoltos neste e as diferentes posibilidades de manexo sustentable do monte.
Neste artigo da Revista Galega de Educación exponse a experiencia dunha materia de secundaria adicada a integrar a educación co manexo do propio territorio e o coñecemento das Comunidades de Montes Veciñais en Man Común.
Proxecto a iniciar na primavera de 2022
O estudantado de "educación en contextos rurais", materia optativa do grao de mestre/a en educación primaria desenvolverá unha observación participante en diferentes colectivos (o proxecto está aberto á participación de máis) para analizar as oportunidades educativas que ten a súa labor.
Con esa análise fará unha proposta educativa para centros próximos en colaboración cos colectivos, proposta que pactará con estes útlimos.
Proxecto desenvolvido en colaboración entre o CEP Brea Segade, o movemento veciñal Fousas ao monte e o Proxecto Ríos no que se traballan contidos de educación primaria en relación co coidado medioambiental e o manexo do territorio.
Sen chegar a ser totalmente unha experiencia de aprendizaxe-servizo, posto que non foi pensado como tal, ten unha clara dirección dual de xestión do territorio e de abordaxe de aprendizaxes escolares.
Este é un proxecto que acontece fora do plano rural pero que pode dar ideas para trasladar a medios rurais.
O Concello de Santiago de Compostela iniciou a elaboración da súa Axenda Urbana, proceso que leva a reflexionar sobre o modelo de cidade. A Estratexia de Desenvolvemento Urbano, Sostible e Integrado de Santiago de Compostela recolle distintos proxectos relacionados cos Obxectivos de Desenvolvemento Sostible.
Este proxecto de aprendizaxe-servizo é un acercamento á cidadanía sobre eses proxectos e unha reflexión coa comunidade con eles.
Reintroducción dunha planta parte da biodiversidade da zona para promover o equilibrio do ecosistema ameazado.
Arredor do Rural