En curso

O proxecto enmárcase dentro das sesións interactivas da materia de psicoloxía social, fomentando o traballo en grupo para favorecer tanto a discusión sobre a problemática psicosocial como para ampliar o coñecemento que se expón nas sesións teóricas. Nas sesións interactivas “tradicionais” compróbanse as destrezas na aplicación de conceptos relevantes para a disciplina, así como a capacidade de análise e reflexión crítica. Co proxecto, trátase de lograr esas competencias, pero nun entorno aplicado que axude a darlle perspectiva e profundade aos coñecementos adquiridos.

Neste artigo da Revista Galega de Educación exponse a experiencia dunha materia de secundaria adicada a integrar a educación co manexo do propio territorio e o coñecemento das Comunidades de Montes Veciñais en Man Común.

Proxecto a iniciar na primavera de 2022

O estudantado de "educación en contextos rurais", materia optativa do grao de mestre/a en educación primaria desenvolverá unha observación participante en diferentes colectivos (o proxecto está aberto á participación de máis) para analizar as oportunidades educativas que ten a súa labor.

Con esa análise fará unha proposta educativa para centros próximos en colaboración cos colectivos, proposta que pactará con estes útlimos.

O pobo escola, pese a non ser necesariamente unha estratexia de aprendizaxe-servizo (pois os e as aprendices non teñen por que facer ningunha achega á comunidade) é unha clara maneira de integrar os procesos educativos no territorio, levando a mirada que aprende cara a realidade inmediata e as persoas coas que se convive.

O de O Viso leva xa anos a cultivar esta mirada, agora estase a actualizar da maneira que aquí nos conta:

Pobo escola O Viso

Proxecto desenvolvido en colaboración entre o CEP Brea Segade, o movemento veciñal Fousas ao monte e o Proxecto Ríos no que  se traballan contidos de educación primaria en relación co coidado medioambiental e o manexo do territorio.

Sen chegar a ser totalmente unha experiencia de aprendizaxe-servizo, posto que non foi pensado como tal, ten unha clara dirección dual de xestión do territorio e de abordaxe de aprendizaxes escolares.

Este é un proxecto que acontece fora do plano rural pero que pode dar ideas para trasladar a medios rurais.

O Concello de Santiago de Compostela iniciou a elaboración da súa Axenda Urbana, proceso que leva a reflexionar sobre o modelo de cidade. A Estratexia de Desenvolvemento Urbano, Sostible e Integrado de Santiago de Compostela recolle distintos proxectos relacionados cos Obxectivos de Desenvolvemento Sostible.

Este proxecto de aprendizaxe-servizo é un acercamento á cidadanía sobre eses proxectos e unha reflexión coa comunidade con eles.

Proxecto da enxeñería forestal da USC na cal diferentes estudantes acuden ás comunidades de montes a conversar sobre a certificación forestal e posibles usos do monte.

Proxecto desenvolto polo alumnado do IES Félix Muriel no cal interviron sobre o seu propio territorio e ligaron as problemáticas do monocultivo e os incendios foretais ás cuestións globais da biodiversidade e a relación de persoa e natureza.

Proxecto a iniciar no inverno de 2021/2022 que pretende reunir traballos de final de grao e máster de diversas disciplinas para abordar aproveitar as necesidades que ofrece o medio rural en varios territorios.