Comunidade de Accións e Saberes

Dinamización comunitaria

Psicoloxía social aplicada. O medio social como alternativa sustentable

Nunha alianza entre o alumnado de primeiro do Grao en Psicoloxía e do Mestrado en Psicoloxía Social da USC, desenvolveuse un proxecto de recollida de información e posta en común sobre a xestión dos residuos e as actitudes da poboación cara este tema, tanto respecto a como entendelas así como a melloralas.

Ca mesma, a óptica foi de pensar o medio rural como espazo de oportundiade debido á inercia histórica no aproveitamento de residuos e a reducción de desfeitos.

Podedes ver as valoracións das participantes aquí.

Campaña #SerMutante

O laboratorio Mutante para a ecoloxía dos saberes (LM) é unha iniciativa que combina os medios tecnolóxicos, analóxicos e participativos. Coa intenteción de xerar unha serie de espazos e experiencias que promovan a concienciación da poboación moza en torno á loita contra o cambio climático. Con obxectivo de diversificar os lugares e formatos de aprendizaxe para contribuir á democratización do coñecemento, o LM propón tres tipos de mecanismos. 

  • Obradoiros experiencais e creativos sobre o abandono do territorio rural. 

A Aprendizaxe-Servizo no eido do desenvolvemento local

Este é un proxecto que acontece fora do plano rural pero que pode dar ideas para trasladar a medios rurais.

O Concello de Santiago de Compostela iniciou a elaboración da súa Axenda Urbana, proceso que leva a reflexionar sobre o modelo de cidade. A Estratexia de Desenvolvemento Urbano, Sostible e Integrado de Santiago de Compostela recolle distintos proxectos relacionados cos Obxectivos de Desenvolvemento Sostible.

Este proxecto de aprendizaxe-servizo é un acercamento á cidadanía sobre eses proxectos e unha reflexión coa comunidade con eles.

Conecta Xoven

Proxecto interxeneracional de alfabetización dixital, no cal a xuventude se forma en contidos e habilidades para dar o servizo ás persoas maiores. O proxecto inclue tamén a dotación dos telecentros das aldeas de equipamento informático necesario. Tamén se ofertaban actividades de lecer e tempo libre para a mocidade participante, así como espazos de encontro.

conecta xoven

Abrindo portas no rural. Comarca de Verín (Ourense)

O Centro de Desenvolvemento Rural Portas Abertas leva a cabo un programa integral de intervención no medio rural a través do cal traballa coa comunidade en procesos de desenvolvemento integral e sostible, en  coordinación con outros axentes sociais do territorio para xerar mellores condicións de vida da poboación rural e do seu medio; co fin último de crear un medio rural desenvolto sostible, económica, social, cultural e humanamente.